Ligo na U, Lapit na… W8 wer na nga b u?
Kung ipaparehas sa isang karakter ang isang parte ng buhay ko e masasabi kong ako yung bida sa librong/penikulang “Ligo na U, Lapit na Me” na si Intoy. Kung di mo alam ang storya aba kamon! Late ka na ng kalahati sa buong buhay ko.
Sabihin na parehas kami ni Intoy na nakakilala ng Jen pero sa sitwasyon ko malamang lalaki yung Jen ko. Isang Jen na dumating at medyo nagpakumplika ng buhay ko. Isang yugto na di ko sigurado kung may next chapter pa o iniwan na lang nakahang ang ending. Isang taong kahit anong ligo mo di nawawala sa sistema mo. Na kahit ilang hilod pa gawin mo parang peklat na habang buhay ng parte ng buhay mo. Pero di tulad ng peklat di ka talaga sigurado kung may bagay kang natutunan sa pagkakadapa kong yun.
